హైదరాబాద్లో దేశంలోనే తొలి ప్రైవేట్ స్పేస్ డెబ్రిస్ రిమూవల్ కేంద్రం ప్రారంభం

సుమారు 14,800 చదరపు అడుగుల విస్తీర్ణంలో ఏర్పాటు చేసిన ఈ కేంద్రంలో అంతరిక్ష రోబోలను రూపొందించడం, నిర్మించడం, పరీక్షించడం, వాటి కార్యకలాపాలను పర్యవేక్షించడం వంటి సదుపాయాలు ఉన్నాయి. ఇందులో ఆర్బిటల్ క్యాప్చర్ ల్యాబ్, స్పేస్ రోబోటిక్స్ ల్యాబ్, శాటిలైట్ ఇంటిగ్రేషన్ క్లీన్ రూమ్, మిషన్ సిమ్యులేషన్ అండ్ కంట్రోల్ సెంటర్ వంటి నాలుగు ప్రధాన విభాగాలు ఉన్నాయి.

అంతరిక్ష వ్యర్థాల తొలగింపుతో పాటు ఉపగ్రహ మరమ్మతులు

ఈ కేంద్రం ద్వారా కేవలం అంతరిక్ష వ్యర్థాలను తొలగించే సాంకేతికత మాత్రమే కాకుండా, కక్ష్యలో ఉన్న ఉపగ్రహాలకు మరమ్మతులు చేయడం, ఇంధనం నింపడం వంటి సేవల అభివృద్ధిపైనా దృష్టి పెట్టనున్నారు. రూపొందిస్తున్న ప్రత్యేక డ్యూయల్ స్పేస్క్రాఫ్ట్ విధానంలో రెండు అంతరిక్ష నౌకల సాయంతో గరిష్ఠంగా 100 ఉపగ్రహాలకు సేవలు అందించే లక్ష్యం ఉంది. దీనివల్ల ఒక్కో ఉపగ్రహానికి అయ్యే సర్వీసింగ్ ఖర్చును గణనీయంగా తగ్గించవచ్చని సంస్థ అంచనా వేస్తోంది.

2030 నాటికి వ్యర్థాలు లేని అంతరిక్షం లక్ష్యం

ఈ కేంద్రాన్ని కేంద్ర శాస్త్ర, సాంకేతిక శాఖ సహాయ మంత్రి డాక్టర్ జితేంద్ర సింగ్ వర్చువల్గా ప్రారంభించగా, తెలంగాణ ఐటీ, పరిశ్రమల శాఖ మంత్రి దుద్దిళ్ల శ్రీధర్బాబు ఈ కార్యక్రమంలో పాల్గొన్నారు. 2030 నాటికి అంతరిక్ష వ్యర్థాలు లేని వాతావరణాన్ని సాధించాలనే లక్ష్యంతో భారత్ ముందుకు సాగుతోందని జితేంద్ర సింగ్ తెలిపారు. హైదరాబాద్లోని ఈ కేంద్రం ఆ లక్ష్య సాధనలో ప్రైవేట్ రంగం పాత్రను మరింత బలోపేతం చేయనుంది.

పెట్టుబడులు, భవిష్యత్ ప్రణాళికలు

ఇటీవల 6 మిలియన్ డాలర్ల సీడ్ ఫండింగ్ను పొందింది. దీంతో సంస్థ మొత్తం సమీకరించిన నిధులు 9 మిలియన్ డాలర్లకు పైగా చేరాయి. 2027లో మరిన్ని సాంకేతిక పరీక్షలు, పూర్తి స్థాయి అంతరిక్ష వ్యర్థాల తొలగింపు ప్రదర్శన చేపట్టాలని సంస్థ ప్రణాళికలు సిద్ధం చేస్తోంది. వాణిజ్య కార్యకలాపాలను 2028లో ప్రారంభించాలని లక్ష్యంగా పెట్టుకుంది. హైదరాబాద్లో ఇప్పటికే ఉన్న ఏరోస్పేస్, రక్షణ రంగ సంస్థలకు ఈ కొత్త కేంద్రం మరింత బలాన్నివ్వనుంది.

హైదరాబాద్లోని గచ్చిబౌలిలో సంస్థ దేశంలోనే తొలి ప్రైవేట్ స్పేస్ డెబ్రిస్ రిమూవల్, శాటిలైట్ సర్వీసింగ్ కేంద్రాన్ని బేస్ 1 పేరుతో ప్రారంభించింది. ఈ కేంద్రం అంతరిక్ష వ్యర్థాలను తొలగించడం, పనిచేయని ఉపగ్రహాలకు మరమ్మతులు చేయడం వంటి కీలక సాంకేతికతలను అభివృద్ధి చేస్తుంది. 2030 నాటికి వ్యర్థాలు లేని అంతరిక్షాన్ని సాధించాలనే లక్ష్యంతో భారత్ ముందుకు సాగుతోంది.